ޗީފް އޮފް ޑެފެންސް ފޯސް ހިލްމީ ލަންކާއަށް ވަޑައިގެން އެ ގައުމުގެ ނޭވީގެ ޗީފްއާ ބައްދަލުކޮށްފި
އަދަދު
2 ޑިސެމްބަރު 2025 | އަންގާރަ | 3:52
ދިވެހި ރާއްޖޭގެ ޗީފް އޮފް ޑިފެންސް ފޯސް މޭޖާ ޖެނެރަލް އިބްރާހިމް ހިލްމީ އަވަށްޓެރި ސްރީ ލަންކާއަށް ވަޑައިގެން އެ ގައުމުގެ ކަނޑުގެ ސިފައިންގެ އިސްވެރިޔާ އާއި ބައްދަލުކުރައްވައިފި އެވެ.
އެމްއެންޑީއެފް އިން މިއަދު ކުރި ޕޯސްޓެއްގައި ބުނީ ހިލްމީ، ލަންކާގެ ނޭވީގެ ޗީފް ރިއާ އެޑްމިރަލް ޑޭމިއަން ފަނާންޑޯ އާއި އެ ގައުމުގެ ނޭވީގެ މައި އިދާރާގައި ބައްދަލުކުރީ އިއްޔެ ކަމަށެވެ. މި ބައްދަލުވުމުގައި ދެ ގައުމުގެ އަސްކަރީ ގުޅުން ބަދަހިކުރުމާމެދު މަޝްވަރާ ކުރި ކަމަށް ސިފައިން ބުނެފައިވެ އެވެ.
ލަންކާ ނޭވީ ގެ ވެބްސައިޓުގައި ބުނި ގޮތުގައި ބައްދަލުވުމުގެ ކުރިން އެ ގައުމުގެ ސިފައިން ވަނީ ހިލްމީގެ ޝަރަފުގައި ގާޑް އޮފް އޮނާ އެއް އަރުވާފަ އެވެ. ލަންކާގެ އަސްކަރިއްޔާ އިން ވެސް ބުނީ ބައްދަލުވުމުގައި ދެ ގައުމުގެ އަސްކަރީ ގުޅުން ބަދަހިކުރަން މަޝްވަރާ ކުރެވުނު ކަމަށެވެ.