ޖަޕާނަށް ކަނޑައަޅާ ސަފީރަކަށް މަހުލޫފު އައްޔަންކުރަން އެމްޑީޕީ މެންބަރުންގެ ވޯޓާއެކު މަޖިލީހުން ފާސްކޮށްފި
އަދަދު
3 ޑިސެމްބަރު 2025 | ބުދަ | 10:36
އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ވެރިކަމުގައި ކެބިނެޓު މިނިސްޓަރުކަން ކުރެއްވި އަހްމަދު މަހުލޫފް، ޖަޕާނަށް ކަނޑައަޅާ ސަފީރުގެ މަގާމަށް އައްޔަނުކުރަން ރައްޔިތުންގެ މަޖިލީހުން ފާސްކޮށްފި އެވެ.
އެ މަގާމަށް މަހްލޫފު އައްޔަން ކުރަން މިއަދު ބޭއްވި މަޖިލީހުގެ ޖަލްސާގައި ނެގި ވޯޓުގައި ބައިވެރިވި 60 މެންބަރުން ވޯޓު ދެއްވި އެވެ. މީގެ ތެރޭގައި އިދިކޮޅު އެމްޑީޕީގެ މެންބަރުން ވެސް ހިމެނެ އެވެ. މަހްލޫފު އައްޔަން ކުރުމާ ދެކޮޅަށް އެއްވެސް މެންބަރަކު ވޯޓެއް ނުދެއްވަ އެވެ.
ސަރުކާރުގެ މަގާމަކަށް ވަޑައިގަތުމަށް ކަމަށް ބުނެ މަހްލޫފު އެމްޑީޕީން ވަކިވީ ސެޕްޓެމްބަރު 8، ގަ އެވެ.