މަޖިލީހުގެ ފަހު ދައުރުގައި ނިންމުނީ އެންމެ 47 ޕަސެންޓު މަސައްކަތް
އަދަދު
4 ޑިސެމްބަރު 2025 | ބުރާސްފަތި | 11:03
ރައްޔިތުންގެ މަޖިލީހުގެ މި އަހަރުގެ ފަހު ދައުރުގައި ނިންމުނީ އެންމެ 47 ޕަސެންޓު މަސައްކަތް ކަމަށް ތަފާސްހިސާބުތަކުން ދައްކައިފި އެވެ.
މަޖިލީހުގެ މި އަހަރުގެ ފަހު ދައުރު ނިންމާލައި ޗުއްޓީއަށް ދިޔައީ އިއްޔެ އެވެ. ޗުއްޓީއަށްފަހު މަޖިލީހުގެ ޖަލްސާއެއް ދެން ބާއްވާނީ އަންނަ އަހަރުގެ ފެބްރުއަރީ މަހުގެ ތެރޭގަ އެވެ.
އެއީ ރައީސް މުހައްމަދު މުއިއްޒު، އެމަނިކުފާނުގެ ވެރިކަމުގެ ތިންވަނަ ރިޔާސީ ބަޔާން އިއްވަން ބާއްވާ ޖަލްސާ އެވެ. ނަމަވެސް، އެ ދެމެދު ދައުރުން ބޭރުން ޖަލްސާއެއް ބޭއްވުމުގެ ފުރުސަތު އޮންނާނެ އެވެ.