މުއިއްޒުގެ މާފަންނު ބައްދަލުވުން: ވާނުވާ ބަންދާމެދު އާންމު މީހެއްގެ ޖަޒުބާތީ ޝުއޫރުތައް އޮއްސާލައިފި
އަދަދު
4 ޑިސެމްބަރު 2025 | ބުރާސްފަތި | 10:41
ކުށުގައި ތުހުމަތުގައި ހައްޔަރު ކުރާ މީހުން ޝަރީއަތް ނިމެންދެން ބަންދު ކުރާ މައްސަލައިގައި، ޒުވާނެއްގެ ޖަޒުބާތީ ޝުއޫރުތައް ރައީސް މުހައްމަދު މުއިއްޒު ބާއްވަވާ އަވަށު ބައްދަލުވުމެއްގައި އޮއްސާލައިފި އެވެ.
ތާޖުއްދީން ސްކޫލުގައި ކުރިއަށްގެންދާ މާފަންނު ބައްދަލުވުމުގައި ވާހަކަ ދައްކަމުން އެ ޒުވާނާ އެންމެ ބޮޑަށް ފާހަގަ ކުރި މައްސަލައަކީ، ވާނުވާ ބަންދު އުވާލަން މުއިއްޒު ވީ ވައުދުތައް ނުފުއްދާ މައްސަލަ އާއި ކުރިއަށް ވުރެ ވެސް ގިނައިން މީހުންނަށް ވާނުވާ ބަންދު ޖަހާ މައްސަލަ އެވެ.
"އަޅުގަނޑު މިތަނުގައި މި ހުއްޓުނީ ޖައްބާރުވަންތް ﷲ އަށް ބިރުވެތިވެ، ރައީސް ކުރެއްވި ވައުދުތައް ފުއްދުމަށް ހަނދާންކޮށްދެމުން. ކޮބާތޯ ވާނުވާ ބަންދުން އުވާލަން ވީ ވައުދު؟ ވެރިކަމަށް 100 ދުވަސް ތެރޭގައި ވާނުވާ ބަންދު އުވާލާނަމޭ ބުނެ މި ވައުދު ދެ އަހަރު ވީއިރު ވެސް އޮތްތަނުގައި އޮތީ،" އޭނާ ބުންޏެވެ.