މުދަލުގެ އަގު ބޮޑުވުމުގެ ޝަކުވާ މުއިއްޒު އަރިހަށް ބަންޑުން ކޮށްލައިފި
އަދަދު
4 ޑިސެމްބަރު 2025 | ބުރާސްފަތި | 11:15
ދިރިއުޅެން ދަތިވާ މިންވަރަށް މުދަލުގެ އަގު އުފުލެމުންދާ ކަމުގެ ޝަކުވާ، މިހާރު ކުރިއަށްދާ މާފަންނު އަވަށުގެ ބައްދަލުވުމުގައި ބައިވެރިވި އަންހެނަކު ރައީސް މުހައްމަދު މުއިއްޒު އަރިހަށް ބަންޑުން ކޮށްލައިފި އެވެ.
ތާޖުއްދީން ސްކޫލުގައި ކުރިއަށްދާ ބައްދަލުވުމުގައި ވާހަކަ ދެއްކި އެ އަންހެން މީހާ ބުނީ މައްސަރު ދުވަސްވަރު އަންހެނުން ބޭނުން ކުރާ ޕެޑުން ޓެކްސް ކަނޑައިލިޔަސް، މިހާރު އަގުތައް ހުރީ އިންތިހާއަށް މަތިވެފައި ކަމަށެވެ.
އޭނާ ބޭނުންކުރާ މަރުކާގެ ޕެޑް މިހާރު 180ރ. އަށް އަރާފައިވާކަން ފާހަގަ ކުރި އެވެ. އަދި އެހެން ވައްތަރުތަކުގެ ޕެޑު ވެސް އަގުބޮޑުވެފައިވާ ކަމަށް އެ އަންހެން މީހާ ބުންޏެވެ.