ހުލާސާކޮށް އިއްޔެ: މުއިއްޒުގެ މާފަންނު ބައްދަލުވުން؛ "ވާނުވާގައި ތިބި މީހުން ދޫކޮށްލުމަކީ ކޮށްގެންވާނެ ކަމެއް ނޫން"
އަދަދު
5 ޑިސެމްބަރު 2025 | ހުކުރު | 11:04
ޝަރީއަތް ނިމެންދެން "ވާނުވާ ބަންދުގައި" ތިބީ ބޮޑެތި ކުށްކުށުގައި ތުހުމަތު ކުރެވޭ މީހުން ކަމަށާއި އެފަދަ މީހަކު ދޫކޮށްލުމަކީ އެމަނިކުފާނު ކޮށްގެންވާނެ ކަމެއް ނޫން ކަމަށް ރައީސް މުހައްމަދު މުއިއްޒު ރޭ ވިދާޅުވި އެވެ.
މާފަންނު ރައްޔިތުުންނާއެކު ކުރިއަށްގެންދިޔަ ބައްދަލުވުމެއްގައި މުއިއްޒު ވިދާޅުވީ ވާނުވާ ބަންދުގައި ތިބީ ޓެރަރިޒަމް، ކުޑަކުދިންނަށް ޖިންސީ ގޯނާ ކުރުން، މީހުން މެރުން، މާރާމާރީ ހިންގުން، ޑްރަގް ޓްރެފިކް ކުރުން ފަދަ ކުށްތަކުގައި ހިމެނޭ މީހުން ކަމަށެވެ.
އެފަދަ ކުށްތައް ކޮށްފައި ހުރި ކަމަށް ތުހުމަތު ކުރެވޭ މީހުން ދޫކޮށްލުމަކީ އެމަނިކުފާނަށް ލިބިފައި އޮތް ހައްގެއް އަދި ފުރުސަތެއް ނޫން ކަމަށް މުއިއްޒު ވިދާޅުވި އެވެ. އަދި ވިދާޅުވީ، އެފަދަ މީހަކު ދޫކޮށްލުމަކީ އެމަނިކުފާނު ކޮށްގެންވާނެ ކަމެއް ވެސް ނޫން ކަމަށެވެ.