ހައްޖު ކޯޕަރޭޝަންގެ ނަމުގައި އިތުރު ފައިސާ ހޯދުމަށް ސްކޭމް މެސެޖުތަކެއް ފޮނުވާތީ ސަމާލުވާން އެދިއްޖެ
އަދަދު
6 ޑިސެމްބަރު 2025 | ހޮނިހިރު | 12:08
ހައްޖަށް ދިޔުމަށް އިތުރަށް ފައިސާ ދެއްކުމުން ޖާގަ ކަށަވަރުވާ ކަމަށްބުނެ ހައްޖު ކޯޕަރޭޝަންގެ ނަމުގައި ސްކޭމް މެސެޖުތަކެއް ފޮނުވަމުން ދާތީ އެކަމަށް ސަމާލުވުމަށް އެ ކޯޕަރޭޝަނުން އިލްތިމާސްކޮށްފި އެވެ.
ހައްޖު ކޯޕަރޭޝަނުން ރޭ ނެރުނު ބަޔާނެއްގައި ބުނީ ދިވެހިރާއްޖެއިން ހައްޖަށް މީހުން ގެންދިޔުމަށް ކަނޑައަޅާފައިވާ އަގުގެ އިތުރަށް އެއްވެސް ފައިސާއެއް އެ ކޯޕަރޭޝަނުން ނުނަގާނެ ކަމަށެވެ.
"މަކަރާއި ހީލަތުން ފައިސާ ހޯދުމަށް ފޮނުވާ މިފަދަ މެސެޖުތަކާއި ކުރާ ފޯނުކޯލުތަކަށް ސަމާލުވުމަށް އެންމެހާ ބޭފުޅުންގެ ސަމާލުކަމަށް ދަންނަވަމެވެ،" ހައްޖު ކޯޕަރޭޝަންގެ ބަޔާނުގައި ބުންޏެވެ.