ދައުލަތުގެ ބަޖެޓުން ފައިސާ ދޫކުރާ ސިޔާސީ ޕާޓީތަކުގައި ތިބެންޖެހޭ ކަމަށް ގާނޫނު ބުނާ އަދަދަށްވުރެ މެންބަރުން މަދުވެ، އެ ލިސްޓުން އަދާލަތު ޕާޓީ އުނިވެއްޖެ އެވެ.

ގާނޫނު ބުނާގޮތުން ދައުލަތުގެ ބަޖެޓުން ފައިސާ ދޫކުރަނީ 10،000 އަށްވުރެ ގިނަ މެންބަރުން ތިބޭ ސިޔާސީ ޕާޓީތަކަށެވެ. އިލެކްޝަންސް ކޮމިޝަން (އީސީ) މިއަދު ކުރި ޕޯސްޓެއްގައި ބުނީ އަންނަ އަހަރަށް ލަފާކޮށް މަޖިލީހުން ބަޖެޓު ފާސްކުރި އިރު އެ އަދަދު ހަމަވަނީ ހަތަރު ސިޔާސީ ޕާޓީއެއްގައި ކަމަށެވެ.

އެއީ ވެރިކަންކުރާ ޕީއެންސީ އާއި އިދިކޮޅު މައި ޕާޓީ އެމްޑީޕީގެ އިތުރުން އެމްޑީއޭ އަދި ޖުމްހުރީ ޕާޓީ އެވެ. އެ ތާާރީހާއި ހަމައަށް މި ޕާޓީތަކުގައި ތިބި މެންބަރުންގެ އަދަދެއް އީސީ އިން ހާމައެއް ނުކުރެ އެވެ. އީސީގެ ވެބްސައިޓުގައި އާންމުކޮށްފައިވަނީ ޖޫން 30، އާއި ހަމައަށް ޕާޓީތަކުގައި ތިބި މެންބަރުންގެ އަދަދެވެ.

މައުޟޫޢުތަށް