މަސްތުވާތަކެތީގެ ވިޔަފާރި ކުރާ ބޮޑުންނަށް މަރުގެ އަދަބު ދެވޭ ގޮތަށް ގާނޫނަށް ގެނައި ބަދަލު ތަސްދީގުކޮށްފި
އަދަދު
6 ޑިސެމްބަރު 2025 | ހޮނިހިރު | 3:21
މަސްތުވާތަކެތި ޓްރެފިކްކުރާ މީހުންގެ ތެރެއިން ވަކި ބަރުދަނެއް ހަމަވާ މައްސަލަތަކުގައި ސުޕްރީމް ކޯޓުގެ ބެންޗުގެ އިއްތިފާގުން ހުކުމް ކުރާ ހާލަތުގައި މަރުގެ އަދަބު ދިނުމަށް މަސްތުވާތަކެއްޗާ ބެހޭ ގާނޫނަށް ގެނައި ބަދަލު ރައީސް މުހައްމަދު މުއިއްޒު ތަސްދީގުކުރައްވައިފި އެވެ.
މަޖިލީހަށް ހުށަހެޅިތާ އަހަރެއް ފަހުން، މިދިޔަ އަންގާރަ ދުވަހު ބޭއްވި މަޖިލީހުގެ ޖަލްސާގައި ނެގި ވޯޓުގައި ބައިވެރިވި 65 މެންބަރުންގެ އިއްތިފާގުން ފާސްކުރި މި ބިލު މުއިއްޒު ތަސްދީގުކުރެއްވީ މިއަދު އެވެ.
ސަރުކާރުގެ ފަރާތުން މީގެ އަހަރެއް ކުރިން މި ބިލު މަޖިލީހަށް ހުށަހެޅުއްވީ ގަމު ދާއިރާގެ މެންބަރު ޔޫސުފް ނަޝީދު އެވެ. މި ބިލު ދިރާސާކުރީ ޖުޑީޝަރީ ކޮމިޓީންނެވެ.