ސުޕްރީމް ކޯޓުގެ ފަނޑިޔާރުން ވަކިކުރިތާ 200 ދުވަސްވީއިރު ވެސް އޭސީސީގެ ތަހުގީގު ނުނިމޭ
އަދަދު
7 ޑިސެމްބަރު 2025 | އާދިއްތަ | 1:54
ސުޕްރީމް ކޯޓުގެ ފަނޑިޔާރުކަމުން ޑރ. އަޒްމިރާލްދާ ޒާހިރާއި ފަނޑިޔާރު މަހާޒް އަލީ ޒާހިރު ވަކިކުރިތާ 207 ދުވަސްވީއިރު ވެސް އެންޓި ކޮރަޕްޝަން ކޮމިޝަން (އޭސީސީ) އިން ބަލަމުންދާ އެ ދެ ފަނޑިޔާރުންގެ މައްސަލައިގެ ތަހުގީގު ނުނިމޭ ކަމަށް ބުނެފި އެވެ.
އޭސީސީގެ މީޑިއާ އޮފިޝަލް އައިޝަތު ސަމާ އަދަދު އަށް ވިދާޅުވީ އެ ދެ ފަނޑިޔާރުންގެ މައްސަލަ އަދިވެސް ތަހުގީގު ކުރަމުންދާ ކަމަށެވެ. އެ މައްސަލައާ ގުޅޭ އިތުރު އެއްވެސް ތަފްސީލެއް އޭނާ ދީފައެއް ނުވެ އެވެ.
"މައްސަލަ [އަޒްމިރާލްދާ އާއި މަހާޒްގެ] ނުނިމޭ. ތަހުގީގު ކުރަމުންދަނީ،" އޭނާ ވިދާޅުވި އެވެ.