ހެންވޭރު ބައްދަލުވުމުގައި ވެސް ޓެކްސީ ޑްރައިވަރުންގެ ޝަކުވާ ބަންޑުންކޮށްލައިފި
އަދަދު
8 ޑިސެމްބަރު 2025 | ހޯމަ | 2:06
ކާރުބާރު ބޮޑު މާލޭގައި ސަރުކާރުގެ ޓެކްސީ ލައިނެއް ތައާރަފު ކުރުމުން މާލޭގެ ޓްރެފިކަށް އިތުރަށް ބާރުބޮޑު ވާނެ ކަމަށާއި އާންމު ރައްޔިތުންގެ ކާރުތައް ރެޖިސްޓްރީ ކުރުމަށް ގެންގުޅޭ އުސޫލުން މެނުއީ ސަރުކާރުގެ ޓެކްސީ ލައިނަށް ގެންނަ ކާރުތައް ވެސް ރެޖިސްޓްރީ ކުރެވިގެން ނުވާނެ ކަމަށް ހެންްވޭރު ރައްޔިތުން ބުނެފި އެވެ.
ރައީސުލްޖުމްހޫރިއްޔާ ހެންވޭރު ރައްޔިތުންނާ ބައްދަލުކުރެއްވުމަށް ރޭ ބޭއްވެވި ޖަލްސާގައި ވާހަކަދެއްކި ރައްޔިތަކު ވަނީ މާލޭގެ މަގުތަކުގެ ކާރުބާރު ބޮޑުކަމުގެ ވާހަކަ މުއިއްޒު ދައްކަވާފައި އެކަމަށް ހައްލު ގެންނަން މަސައްކަތް ކުރައްވާ ކަމަށް ވިދާޅުވުމަށްފަހު، ސަރުކާރުން ތައާރަފުކުރާ ޓެކްސީ ލައިނުގެ ކާރުތައް ދުއްވަނީ ކޮންތާކުތޯ ސުވާލު އުފައްދައިފަ އެވެ.
އޭނާ ބުނީ އެކިއެކި ބޭނުންތަކަށް އާންމު ރައްޔިތުން ގެނެސްފައި ހުރި ކާރުތައް ގަރާޖެއް ނެތިގެން ރެޖިސްޓްރީ ނުކުރެވިފައި އެބަހުރި ކަމަށެވެ. އެ ކާރުތައް އެހެން ހުއްޓައި ސަރުކާރުން ގެންނަ ކާރުތައް ގަރާޖެއް ނެތި ރެޖިސްޓްރީ ކުރެވިގެން ނުވާނެ ކަމަށް އޭނާ ބުންޏެވެ.