އެމްޑީޕީއަށް ޗެއާޕާސަނަކު އިންތިހާބުކުރާނީ ލޯކަލް ކައުންސިލް އިންތިހާބަށް ފަހު
އަދަދު
8 ޑިސެމްބަރު 2025 | ހޯމަ | 10:55
މައި އިދިކޮޅު ޕާޓީ، އެމްޑީޕީގެ ޗެއާޕާސަންގެ މަގާމަށް މެންބަރަކު ހޮވުމަށް ބާއްވާ އިންތިހާބު، އަންނަ އެޕްރީލް މަހު ބާއްވާ ލޯކަލް ކައުންސިލް އިންތިހާބުގެ ފަހުން ބޭއްވުމަށް އެ ޕާޓީގެ ގައުމީ މަޖިލީހުން ފާސްކޮށްފި އެވެ.
އެ ޕާޓީގެ ޗެއާޕާސަނުގެ މަގާމުން ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލް އިސްތިއުފާދެއްވުމުން ވަގުތީ ޗެއާޕަސަނެއް ހޮވުމަށް މިރޭ ބޭއްވި ބައްދަލުވުމުގައި، އެ މަގާމަށް ދާއިމީ މެންބަރަކު ހޮވުމަށް ނަގާ ވޯޓު ލޯކަލް ކައުންސިލް އިންތިހާބުގެ ފަހުން ބާއްވަން ހުށަހެޅުއްވީ ހޯރަފުށީ ދާއިރާގެ ރައީސް އަހުމަދު ސަލީމް އެވެ.
އޭނާ ހުށަހެޅުއްވީ އެޕްރީލް 4، 2026، ގައި ބާއްވަން އިލެކްޝަންސް ކޮމިޝަން (އީސީ) އިން ނިންމާފައިވާ ކައުންސިލް އިންތިހާބުގެ ރަސްމީ ހަތް ދުވަސް ފަހުން ޗެއާޕާސަނުގެ އިންތިހާބު އޮންނާނެ ތާރީހެއް އިއުލާނުކުރުމަށެވެ. އެ ހުށަހެޅުން ފާސްވީ ބައްދަލުވުމުގައި ބައިވެރިވި 58 މެންބަރެއްގެ ވޯޓާ އެކު އެވެ.