މުއިއްޒުގެ ޕޮޑްކާސްޓު ހުށަހަޅައިދޭ ޝަކީބު ޕީއެސްއެމްގެ މެނޭޖިން ޑިރެކްޓަރަކަށް ހަމަޖައްސައިފި
އަދަދު
10 ޑިސެމްބަރު 2025 | ބުދަ | 3:27
ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުގެ މަގާމަށް ރައީސް މުހައްމަދު މުއިއްޒުގެ ޕޮޑްކާސްޓު ހުށަހަޅައިދޭ މުހައްމަދު ޝަކީބް މިއަދު އައްޔަނުކޮށްފި އެވެ.
ޕްރައިވަޓައިޒޭޝަން ބޯޑުން ހާމަކޮށްފައިވާ ގޮތުގައި ހުސްވެފައި އޮތް އެ މަގާމަށް ޝަކީބު އައްޔަނުކުރީ މިއަދު އެވެ. އެ މަގާމު ހުސްވީ އިބްރާހިމް ނަސްރީން ނޮވެމްބަރު 29، ގައި އިސްތިއުފާ ދިނުމުންނެވެ. ނަސްރީނަށް ވަނީ ޔޫތު މިނިސްޓްރީގެ ޑެޕިއުޓީ މިނިސްޓަރުކަން ދީފަ އެވެ.
ޝަކީބަކީ ރައީސް އޮފީހުން ގެނެސްދޭ "ރައްޔިތުންނާއެކު" ޕޮޑްކާސްޓުގެ ހޯސްޓެވެ. އޭނާ ވަނީ މީގެ ކުރިން ސަރުކާރުގެ ބައެއް މަގާމުތައް އަދާކުރައްވާފަ އެވެ. އޭނާއަކީ ފާއިތުވި ދެ އަހަރު ތެރޭ ޕީއެސްއެމްއާ ހަވާލުވާ ހަތަރުވަނަ މެނޭޖިން ޑިރެކްޓަރެވެ.