ރައްޔިތުންގެ އަސާސީ ހައްގުތަކަށް ސަރުކާރުން އިހުތިރާމެއް ނުކުރޭ: އަލީ ހުސައިން
އަދަދު
11 ޑިސެމްބަރު 2025 | ބުރާސްފަތި | 11:42
ރައްޔިތުންގެ އަސާސީ ހައްގުތަކަށް މުހައްމަދު މުއިއްޒުގެ ސަރުކާރުން އަމަލުނުކުރާ ކަމަށް ކެންދޫ ދާއިރާގެ ކުރީގެ މެންބަރު އަލީ ހުސައިން ވިދާޅުވެއްޖެ އެވެ.
ބޮޑު ކަންނެލި މަސްވެރިންގެ ޔޫނިއަން (ބީކޭއެމްޔޫ) އިން ޑިސެމްބަރު 10، ގެ ހެނދުނުން ފެށިގެން ކުރަމުންދާ މުޒާހަރާގެ ތެރެއިން ކެންދޫ ދާއިރާގެ މިހާރު މެންބަރު މައުރޫފް ޒާކިރު (މަޓޭ) ހިމެނޭހެން ތިން މީހުން ވަނީ ހައްޔަރުކޮށްފަ އެވެ. އެ މީހުން ދޫކޮށްލުމަށް އަލީ ހުސައިން ހިމެނޭހެން ގިނަ އަދަދެއްގެ ބަޔަކު އަންނަނީ ގޮވާލަމުންނެވެ.
އެކްސްގައި ކުރެއްވި ޕޯސްޓެއްގައި އަލީ ހުސައިން ވިދާޅުވި ގޮތުގައި މަޓޭ ބަންދުކޮށްފައި ވަނީ ގާނޫނުތަކާ ހިލާފަށެވެ. އެއީ އަސާސީ ހައްގުތަކުގެ ބޭނުންކުރާ މީހުންނަށް ސަރުކާރުން އިހުތިރާމު ނުކުރާކަން ދައްކުވައިދޭ ކަމެއް ކަމަށް އަލީ ވިދާޅުވި އެވެ.