އަންހެން ކެންޑިޑޭޓުން ވާދަކުރާ ދާއިރާތައް ކަނޑައެޅީ މުއިއްޒު ބޭނުންވާ ގޮތަށް: ފައްޔާޒު
އަދަދު
12 ޑިސެމްބަރު 2025 | ހުކުރު | 10:01
ލޯކަލް ކައުންސިލް އިންތިހާބުގައި ހަމައެކަނި އަންހެން ކެންޑިޑޭޓުންނަށް ހާއްސަކުރާ ގޮނޑިތައް ކަނޑައަޅާފައިވަނީ ރައީސް މުހައްމަދު މުއިއްޒު ބޭނުންވާ ގޮތަށް ކަމަށް އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ކުރީގެ ޗެއާޕާސަން ފައްޔާޒު އިސްމާއީލް ވިދާޅުވެއްޖެ އެވެ.
އަންނަ އަހަރު ބާއްވާ އިންތިހާބުގައި މޭޔަރުންނާއި ކައުންސިލްތަކުގެ ރައީސުން ހިމެނޭހެން ޖުމްލަ 646 ކައުންސިލަރުން ހޮވާނެ އެވެ. ލޯކަލް ކައުންސިލް އިންތިހާބުގެ އިންތިހާބީ ދާއިރާތައް ކަނޑައެޅުމާބެހޭ ވަގުތީ ރިޕޯޓާ މެދު ގިނަ ކެންޑިޑޭޓުންތަކެއްގެ ޝަކުވާ އެބައޮތެވެ.
ކައުންސިލް އިންތިހާބުގެ ގޮނޑިތައް ކަނޑައެޅުމުގައި އިލެކްޝަންސް ކޮމިޝަނުން ގެންގުޅެފައި އޮތް އުޞޫލު އެނގޭ އެއްވެސް އެހެން ފަރާތެއް ނެތް. އެކަމަކީ، އެތެރެ އެތެރެއިން ސިއްރުސިއްރުން ޕީއެންސީ ބޭނުންވާ ގޮތަށް އީސީ އިން ކޮށްފައި އޮތް ކަމެއް،" ފައްޔާޒު ލިޔުއްވި އެވެ.