ކުރިއަށް އޮތީ ވެސް ވައި ވަރަށް ނުސާފު ހަފުތާއެއް
އަދަދު
12 ޑިސެމްބަރު 2025 | ހުކުރު | 8:30
ކުރިއަށް އޮތް ހަފުތާގައި ވެސް ރާއްޖޭގެ އެކި ސަރަހައްދުތަކުގެ ވައި ވަރަށް ބޮޑަށް ނުސާފުވާނެ ކަމަށް މެޓް އޮފީހުން ބުނެފި އެވެ.
އިރުވައި މޫސުމާއެކު އާންމުކޮށް ވެސް ރާއްޖޭގެ ވައި ނުސާފު އެވެ. އެއީ އުތުރު އިންޑިއާ މަތީގައި އުފެދޭ ހިރަފުސްގަނޑު ވަޔާއެކު ރާއްޖެއަށް ދަތުރު ކުރާތީ އެވެ.
"ދުންފުހުގެ ސަބަބުން އުތުރާއި މެދުރާއްޖެ ތެރޭގައި ވައި ނުސާފުވެ ހަމަ ލޮލަށް ސާފުކޮށް ފެންނަ ދުރުމިން މިވަނީ ދަށްވެފައި. ކުރިއަށް އޮތް ހަފުތާގެ ތެރޭގައި ވެސް ދުންފުހުގެ އަސަރު މި ސަރަހައްދުތަކަށް ކުރާނެ ކަމަށް ބެލެވޭ،" މެޓުން ބުނެފައިވެ އެވެ.