ހުލާސާކޮށް އިއްޔެ: އައްޑޫގައި އެއްވެސް މަޝްރޫއެއް ކުރިއަކަށް ނުދޭ
އަދަދު
12 ޑިސެމްބަރު 2025 | ހުކުރު | 6:15
އައްޑޫ ތަރައްގީކުރުމަށް މުހައްމަދު މުއިއްޒުގެ ސިޔާސަތެއް ނެތް ކަމަށާއި އެއްވެސް މަޝްރޫއެއް ވެސް ކުރިއަށް ނުދާ ކަމަށް އައްޑޫ ސިޓީގެ މޭޔަރު، އަލީ ނިޒާރު ވިދާޅުވި ކަމަށް އިއްޔެ ރިޕޯޓުކުރި އެވެ.
އަދަދު ނޫހުން ގެނެސްދޭ އެތެރެފުށް ޕްރޮގްރާމުގައި ނިޒާރު ވިދާޅުވީ އައްޑޫއަށް ތަރައްގީ ގެނެސްދީނީ އެމްޑީޕީގެ ދެ ވެރިކަމުގައި ކަމަށްވާއިރު، މުއިއްޒުގެ އެފަދަ ތަރައްގީއެއް ގެނެވޭނެ ސިޔާސަތެއް ނެތް ކަމަށެވެ.
މިގޮތުން ނިމިދިޔަ އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ވެރިކަމުގައި އައްޑޫއަށް ގެނައި ތަރައްގީގެ 10 ޕަސަންޓު މަސައްކަތް ވެސް މުއިއްޒުގެ ވެރިކަމުގައި ބާކީ އޮތް ތިން އަހަރު ތެރޭގައި ވެސް ނުގެނެވޭނެ ކަމަށް ނިޒާރު ވިދާޅުވި އެވެ.