ބޮޑު ކަންނެލި މަސްވެރިންނަށް ޕްރައިވެޓު ކުންފުނިތަކުން ނުދީ ހުރި ފައިސާގެ އަދަދު މިލިއަނުން ގުނާލެވޭ ކަމަށާއި ހުޅުމާލޭގައި އަޅާ ފެސިލިޓީއާއެކު މަސްވެެރިންގެ ކަންބޮޑުވުންތަކަށް ހައްލުތަކެއް ލިބިގެންދާނެ ކަމަށް ފިޝަރީޒް މިނިސްޓަރު، އަހުމަދު ޝިޔާމް ވިދާޅުވެއްޖެ އެވެ.

މަސްވެރިންގެ ދުވަސް ފާހަގަކުރުމަށް ރ. ދުވާފަރުގައި މިރޭ ބޭއްވި ޖަލްސާގައި ވާހަކަދައްކަވަމުން ޝިޔާމް ވިދާޅުވީ ބޮޑު ކަންނެލި މަސްވެެރިންނަށް ސަރުކާރުން ދޭންޖެހޭ އެއްވެސް ފައިސާއެއް ނޯންނާނެ ކަމަށެވެ. އެ ވާހަކަ އެގޮތަށް ވިދާޅުވާން ޖެހުނީ ބައެއް މީޑިއާތަކުން ރައްޔިތުންނަށް އޮޅޭގޮތަށް އެ މައުލޫމާތު ގެނެސްދޭތީ ކަމަށް އޭނާ ވިދާޅުވި އެވެ.

"ސަރުކާރުން ބޮޑު ކަންނެލި މަސްވެރިންނަށް ދޭންޖެހޭ އެންމެ ރުފިޔާއެއް ވެސް ނޯންނާނެ، ބޮޑު ކަންނެލި މަސްވެެރިންގެ މަސް، ބޮޑު ކަންނެލި ގަންނަމުން އަންނަނީ ޕްރައިވެޓް ކުންފުނިތަކުން،" ޝިޔާމް ވިދާޅުވި އެވެ.

މައުޟޫޢުތަށް