އިހުތިޖާޖުގައި ތިބޭތާ ފަސް ދުވަސްފަހުން މިނިސްޓަރު ޝިޔާމް ކަންނެލި މަސްވެރިންނާ މިއަދު ބައްދަލުކުރައްވަނީ
އަދަދު
15 ޑިސެމްބަރު 2025 | ހޯމަ | 8:23
ބޮޑު ކަންނެލި މަސްވެރިންނަށް މި ސަރުކާރުން ވީ ވައުދުތައް ފުއްދުމަށް ގޮވާލައި އިހުތިޖާޖަށް ނުކުތްތާ ފަސް ދުވަސްފަހުން ފިޝަރީޒް މިނިސްޓަރު، އަހުމަދު ޝިޔާމް މަސްވެރިންނާ ބައްދަލުކުރައްވަން ނިންމަވައިފި އެވެ.
ޝިޔާމް ބޮޑު ކަންނެލި މަސްވެރިންނާ ބައްދަލުކުރައްވަން ހަމަޖެހިފައި ވަނީ މިއަދު ހެނދުނު 11:00 ގަ އެވެ. އެ ބައްދަލުވުން ކުރިއަށް ދާނީ ފިޝަރީޒް މިނިސްޓްރީ ހުންނަ، ވެލާނާ ގޭގަ އެވެ.
ބޮޑު ކަންނެލި މަސްވެރިންނަށް ވައުދުވީ ކަންކަން ފުއްދައިދީފައި ނުވާތީ، އެ ކަންކަމަށް ޑިމާންޑުކޮށް މަސްވެރިން އިހުތިޖާޖު ކުރަން ފެށީ މިދިޔަ ބުދަ ދުވަހު އެވެ.