ސިޑްނީގެ ބޮންޑައި ބީޗުގައި އިއްޔެ ދިން ބަޑީގެ ހަމަލާ ދިވެހި ސަރުކާރުން ކުށްވެރިކޮށްފި
އަދަދު
15 ޑިސެމްބަރު 2025 | ހޯމަ | 9:50
އޮސްޓްރޭލިއާގެ ސިޑްނީގެ މަޝްހޫރު ބޮންޑައި ބީޗުގައި ޓެރަރިސްޓުންތަކެއް ދިން ބަޑީގެ ހަމަލާ ދިވެހި ސަރުކާރުން ކުށްވެރިކޮށްފި އެވެ.
މި ހަމަލާ ދިނީ ޔަހޫދީ ދީނުގައި ފާހަގަކުރާ ހާއްސަ ދުވަހަކާ ގުޅިގެން ބޭއްވި އިވެންޓެއްގަ އެވެ. އެ އިވެންޓުގައި 1000 އަށްވުރެ ގިނަ މީހުން ބައިވެރިވި ކަމަށް ރިޕޯޓުތައް ބުނެ އެވެ. ހަމަލާގައި 15 މީހަކު މަރުވެ 40 މީހަކު ވަނީ ޒަހަމްވެފަ އެވެ.
ހަމަލާ ދިނުމުގައި ބައިވެރިވީ ދެ ބަފައިން ކަމަށް އޮސްޓްރޭލިއާގެ މީޑިއާތަކުން ރިޕޯޓުކޮށްފައިވެ އެވެ. އޭގެ ތެރެއިން 50 އަހަރުގެ ބައްޕަ މަރުވެފައިވާއިރު 24 އަހަރުގެ ދަރި ފުލުހުން ވަނީ ހައްޔަރުކޮށްފަ އެވެ.