ޗައިނާ ސަރުކާރުގެ އިސް އޮފިޝަލަކާ މުއިއްޒު ބައްދަލުކުރައްވައިފި
އަދަދު
15 ޑިސެމްބަރު 2025 | ހޯމަ | 4:15
ޗައިނާ ސަރުކާރުގެ އިސް އޮފިޝަލަކާ ރައީސް މުހައްމަދު މުއިއްޒު މިއަދު ބައްދަލުކުރައްވައިފި އެވެ.
މުއިއްޒުގެ އަރިހަށް މިއަދު އިހުތިރާމުގެ ޒިޔާރަތެއް ކުރެއްވީ ޗައިނާގެ ނޭޝަނަލް ޕީޕަލްސް ކޮންގްރެސްގެ 14 ވަނަ ސްޓޭންޑިން ކޮމިޓީގެ ވައިސް ޗެއާމަން، ވޮންގް ޑޮންގްމިން އެވެ.
ރާއްޖޭގެ އުމްރާނީ ތަރައްގީއަށް ޗައިނާއިން ދެއްވާ އެހީތެރިކަމަށް އަލިއަޅުއްވާލައްވައި، ކުރިއަށް އޮތް ތަނުގައިވެސް ޗައިނާ އާއި ރާއްޖޭގެ ގުޅުން އިތުރަށް ބަދަހިކުރައްވާނެ ކަމުގެ ޔަގީންކަން އެ ބައްދަލުވުމުގައި މުއިއްޒު ދެއްވި ކަމަށް ރައީސް އޮފީހުން ބުނެ އެވެ.