މެއިންޓެނެންސް މަސައްކަތެއް ކުރުމަށް ބްރިޖުގެ އެއް ލޭން މިރޭ ބަންދުކުރަނީ
އަދަދު
15 ޑިސެމްބަރު 2025 | ހޯމަ | 9:02
މެއިންޓެނެންސް މަސައްކަތެއް ކުރުމަށް ސިނަމާލެ ބްރިޖުގެ އެއް ލޭނު މިރޭ ބަންދުކުރާނެ ކަމަށް ފުލުހުން ބުނެފި އެވެ.
އެކްސްގައި ކުރި ޕޯސްޓެއްގައި ފުލުހުން ބުނީ މިރޭ 11:45 އިން ފެށިގެން ބަންދުކުރަނީ މާލެއިން ހުޅުމާލެއަށް ދާ ލޭނު ކަމަށެވެ. އެ ލޭނު ބަންދުކުރަނީ މިރޭ ކުރުމަށް ހަމަޖެހިފައިވާ މަސައްކަތް ނިމެންދެން ކަމަށް ވެސް ފުލުހުން ބުންޏެވެ.
ބްރިޖުގެ އުތުރު ލޭނު ބަންދުކުރި ނަމަވެސް، އެ ލޭނު ހުޅުވަންދެން ދެކުނު ލޭނުން ދެކޮޅަށް ދުއްވާ އެއްޗެހި ދުއްވޭނެ ކަމަށް ފުލުހުން ބުންޏެވެ.