ފެކްޓް ޗެކް: ޖުލައި މަހު ޑޮލަރު ލިމިޓު ބޮޑުނުކުރާ ކަމަށް ބުނެ ބީއެމްއެލް އިން އޮޅުވާލަނީ
އަދަދު
16 ޑިސެމްބަރު 2025 | އަންގާރަ | 1:58
މި އަހަރުގެ ޖުލައި މަހު ބޭންކް އޮފް މޯލްޑިވްސް (ބީއެމްއެލް) ގެ ރުފިޔާ ޑެބިޓު ކާޑުތަކުން ކުރާ ބޭރު މުއާމަލާތްތަކުގެ ލިމިޓު ބޮޑުނުކުރާ ކަމަށާއި، އެ ލިމިޓު މިދިޔަ މަހު ދަށް ނުކުރާ ކަމަށް ބުނެ އެ ބޭންކުން އޮޅުވާލުމަށް މަސައްކަތް ކޮށްފި އެވެ.
ކާޑު ލިމިޓު ދަށްކުރި ކަމަށް އަޑު ފެތުރެން ފެށުމުން ބީއެމްއެލް ގެ ތަރުޖަމާނު މުހައްމަދު ސައީދު މީގެ ދެ ދުވަސް ކުރިން ކުރި ޕޯސްޓެއްގައި މި އަހަރު ކާޑު ލިމިޓަށް ގެނައި ކަމަށް ބުނާ ބަދަލުތަކެއް ހިއްސާކުރި އެވެ. އޭގެ ތެރެއިން ގިނަ ބައެއްގެ ސަމާލުކަމަށް އައީ "އީ-ކޮމާސް" ނުވަތަ ބޭރުގެ ވެބްސައިޓުތަކުން ކުރާ ވިޔަފާރިތަކުގެ ލިމިޓަށް އައި ކަމަށް ބުނާ ބަދަލެވެ.
ސައީދު ހިއްސާކުރި ގްރެފިކްސްގައި ބުނެފައިވާ ގޮތުން މި އަހަރު ފެށުނީއްސުރެ އެ ލިމިޓު ހުރީ 250 ޑޮލަރުގަ އެވެ. ނަމަވެސް، ބީއެމްއެލް ގެ ބަޔާންތަކާއި އާންމުން ހިއްސާކޮށްފައިވާ މައުލޫމާތު ތަކުން އެނގޭ ގޮތުގައި މިއީ ދޮގު މައުލޫމާތެކެވެ.