ފަހި ދިރިއުޅުން ކޯޕަރޭޝަން (އެފްޑީސީ) އިން އިމާރާތްކުރަމުންދާ 4000 ފްލެޓުގެ ޑައުންޕޭމަންޓާއި ކުއްޔާ ގުޅޭ ގޮތުން އާންމުންގެ ހުރި ކަންބޮޑުވުންތަކަށް، ގެނެވޭން އޮތް އެންމެ ރަނގަޅު ހައްލެއް ހޯއްދަވައިދެއްވާނެ ކަމަށް ރައީސް މުހައްމަދު މުއިއްޒު ވިދާޅުވެއްޖެއެވެ.

ގަލޮޅު ރައްޔިތުންނާއެކު ރޭ ބޭއްވި ބައްދަލުކުރައްވައި ވާހަކަ ދެއްކި ބައެއް މީހުން ބުނީ ފްލެޓުގެ ޑައުންޕޭމަންޓްގެ ގޮތުގައި ދައްކަން ޖެހޭ ފައިސާ ދެއްކޭނެ ގާބިލުކަން ނެތް ކަމަށެވެ. އަދި ސަރުކާރުން މިހާރު ކުއްޔަށް ދީފައިވާ އެހެން ފްލެޓުތަކާ އަޅާބަލާއިރު އެފްޑީސީގެ ފްލެޓުތަކުގެ ކުލި މާ ބޮޑުކަން ފާހަގަކޮށް ބައެއް މީހުން ވަނީ ކަންބޮޑުވުން ފާޅުކޮށްފައެވެ.

އެ ޝަކުވާތަކަށް ޖަވާބު ދެއްވަމުން ރައީސް ވިދާޅުވީ، އެމަނިކުފާނު ރައްޔިތުންނާ ބައްދަލުކުރަނީ ރައްޔިތުންގެ ހިޔާލާއި ކަންބޮޑުވުންތައް އަޑުއައްސަވައި، އެކަންކަމަށް ގެނެވެން ހުރި ޕޮޒިޓިވް ބަދަލުތައް ގެނައުމަށް ކަމަށެވެ. އެގޮތުން 4000 ފްލެޓުގެ ޑައުންޕޭމަންޓްގެ ގޮތުގައި ކަނޑައަޅާފައިވާ 25،000 ރުފިޔާއާއި މަހުން މަހަށް ދައްކަންޖެހޭ ކުއްޔަށް ލުއި ގޮތްތަކެއް ހަމަޖެއްސޭތޯ ވަރަށް ސީރިއަސްކޮށް ބައްލަވާނެ ކަމަށް އެމަނިކުފާނު ވިދާޅުވިއެވެ.

މައުޟޫޢުތަށް