ބައެއް ވަޒީފާތައް ދިވެހިންނަށް ހާއްސަ ކުރަން ސަރުކާރުން ގެންގުޅޭ ސިޔާސަތުގެ ދަށުން ކުރިއަށް އޮތް އަހަރުތަކުގެ ތެރޭގައި ބިދޭސީން އަދާކުރުން މަނާ ވާނެ ދާއިރާތައް ކަނޑައަޅައި، މިހާރު ހުރި ކޯޓާތައް ބާތިލު ވާނެ މުއްދަތުތައް ސަރުކާރުން ކަނޑައަޅައިފި އެވެ.

ހޯމްލޭންޑް މިނިސްޓްރީން ގެޒެޓުކޮށްފައިވާ "ދިވެހިރާއްޖޭގައި ބިދޭސީން ވަޒީފާ އަދާކުރުމާ ބެހޭ" އާ ގަވާއިދުގައި، ކޯޓާ އެއް ގޮތަކަށް ވެސް ދޫނުކުރެވޭނެ ވަޒީފާތަކެއް ވެސް ކަނޑައަޅާފައި ވެ އެވެ. މި ވަޒީފާތަކަށް އެއްވެސް ވަރަކަށް ކޯޓާ ދޫނުކުރާ ގޮތަށް ވަނީ ނިންމާފަ އެވެ.

މި ވަޒީފާތަކަށް ކޯޓާ ދޫނުކުރާ ގޮތަށް ނިންމާފައި އޮތަސް، ވަޒީފާގެ ބާޒާރުން ދިވެހި މަސައްކަތްތެރިން ލިބެން ހުރި މިންވަރަށް ބަލައި، މަނާކޮށްފައިވާ ވަޒީފާތަކަށް ބަދަލު ގެނައުމުގެ އިހުތިޔާރު، ގަވާއިދުގެ ދަށުން މިނިސްޓްރީއަށް ލިބެ އެވެ.

މައުޟޫޢުތަށް