ސްރީލަންކާއަށް އެރި ބާރުގަދަ ތޫފާން "ޑިޓްވާ" ގެ ސަބަބުން އެ ގައުމަށް ލިބުނު ބޮޑެތި ގެއްލުންތަކުން އަރައިގަތުމަށް ކުރަމުންދާ މަސައްކަތްތަކަށް އެހީތެރިވުމުގެ ގޮތުން، ރާއްޖޭގައި ހިންގާ މަތީފަންތީގެ ރިސޯޓެއް ކަމުގައިވާ، ވެލާ ޕްރައިވެޓް އައިލެންޑް ރިސޯޓުގެ އޯނަރު ޖިރީ ޝްމެކް އާއި އެ ރިސޯޓުގެ މުވައްޒަފުން ދީލަތި އެހީއެއް ވެއްޖެ އެވެ.

ރާއްޖޭގައި ހުންނަ ސްރީ ލަންކާގެ ހައި ކޮމިޝަނުން ހާމަކޮށްފައިވާ ގޮތުގައި ވެލާގެ ފަރާތުން ޖުމްލަ 115،000 ޑޮލަރު ލަންކާ ސަރުކާރަށް އިއްޔެ ހަދިޔާ ކުރި އެވެ. އެއީ ޖިރީގެ ފަރާތުން 100،000 ޑޮލަރު އަދި ބާކީ 15،000 ޑޮލަރު އެ ރިސޯޓުގެ މުވައްޒަފުންގެ ފަރާތުންނެވެ.

މި ފައިސާގެ ރަމްޒީ ޗެކު ހަވާލުކޮށްދެއްވީ ރާއްޖޭގައި ހުންނަ ސްރީލަންކާގެ ހައި ކޮމިޝަންގައި އިއްޔެ ބޭއްވި ރަސްމިއްޔާތެއްގައި ވެލާ ރިސޯޓުގެ ޑިރެކްޓަރު ގޯޝަން ޑި ސިލްވާ އެވެ. އެހީއާ ހަވާލުވެވަޑައިގަތީ ލަންކާއިން ރާއްޖެއަށް ކަނޑައަޅާފައި ހުންނަވާ ހައި ކޮމިޝަނަރު ރިޒްވީ ހަސަން އެވެ.

މައުޟޫޢުތަށް