ރީސެޓު ޖަލްސާއަށް ކަރަންޓު ދޭން ސްޓެލްކޯ އިން ދެކޮޅު ހެދުމުން ޖެނެރޭޓަރެއް ގެންގޮސް ޖަލްސާއަށް ތައްޔާރުވެއްޖެ
އަދަދު
17 ޑިސެމްބަރު 2025 | ބުދަ | 1:11
ޕީއެންއެފް އިން މިރޭ އާޓިފިޝަލް ބީޗް ސަރަހައްދުގައި ބާއްވާ ރީސެޓު ޖަލްސާއަށް ކަރަންޓު ދޫކުރުމަށް ސްޓެލްކޯއިން ދެކޮޅު ހެދުމުން، އަމިއްލަ ޖެނެރޭޓަރެއް އެ ސަރަހައްދަށް ގެންގޮސް ޖަލްސާއަށް ތައްޔާރުވާން ފަށައިފި އެވެ.
ޖަލްސާއަށް ތައްޔާރުވުމުގެ މަސައްކަތް ކުރަމުން ދަނިކޮށް، އެ ސަރަހައްދުގެ ކަރަންޓު ކޭބަލްއަކަށް މައްސަލައެއް ދިމާވެފައިވާ ކަމަށް ބުނެ ސްޓެލްކޯއިން ވަނީ މިރޭ އޮންނަ ޖަލްސާއަށް ކަރަންޓު ނުދެވޭނެ ކަމަށް ބުނެފަ އެވެ.
ކަރަންޓު ކޭބަލްއަކަށް މައްސަލައެއް ދިމާވެފައިވާ ކަމަށް ބުނެ އާޓިފިޝަލް ބީޗުގައި ކޭބަލް ވަޅުލާފައި އޮންނަ ދިމާ ކޮނެ ބޮޑު ކޯރެއް މިހާރު ވަނީ ކަނޑައިފަ އެވެ. އެހެންނަމަވެސް، އެ ތަނުގެ އެއްވެސް މަސައްކަތެއް ކުރިއަކަށް ނުގެންދެ އެވެ.