ސްކޫލް ޓެކްސްޓް ފޮތްތައް ޗާޕްކުރުމުގައި ކޮރަޕްޝަން ހިމެނޭ ކަމަށް ބުނެ ބޮޑު ތުހުމަތެއް، ރައީސް މުހައްމަދު މުއިއްޒުގެ ބައްދަލުވުމުގައި ވިޔަފާރިވެރިޔަކު ފެންމަތިކޮށްފި އެވެ.

ކުދި އަދި މެދު ފަންތީގެ ވިޔަފާރިވެރިންނާއެކު މުއިއްޒު ރޭ ޒުވާނުންގެ މަރުކަޒުގައި ބޭއްވި ބައްދަލުވުމުގައި ބައިވެރިވި އިބްރާހިމް ނާޝިދު ބުނީ އޭނާއަކީ ސަރުކާރުގެ ބީލަންތަކުގައި މަސައްކަތް ކުރާތާ ވިއްސަކަށް އަހަރުވެފައިވާ ވިޔަފާރިވެރިއެއް ކަމަށެވެ.

ނާޝީދު ހާމަކުރި ގޮތުގައި، އެޑިއުކޭޝަން މިނިސްޓްރީން ދަރިވަރުންގެ ފޮތްތައް ޗާޕްކުރުމަށް ހުޅުވާލި މަޝްރޫއު ޓެންޑާ ބޯޑުން އޭނާއަށް ދޭން ނިންމާފައި ވަނިކޮށް، ކުއްލި ގޮތަކަށް އެ މަޝްރޫއު ކެންސަލްކުރި އެވެ. އޭގެ ފަހުން އެ މަޝްރޫއު ކުރިއަށް ގެންދިޔައީ ކޮރަޕްޝަން އެކުލެވޭ ގޮތަކަށް ކަމަށް އޭނާ ތުހުމަތު ކުރެއްވި އެވެ.

މައުޟޫޢުތަށް