މި ދައުރުގެ ތެރޭގައި 12،000 އަށް ވުރެ ގިނަ ހައުސިން ޔުނިޓު އަޅަން ސަރުކާރުން ވެފައިވާ ވައުދު ފުއްދުމުގެ ގޮތުން އެކި ރަށްރަށުގައި ހައުސިން ޔުނިޓުތައް އަޅައިދޭނެ ކޮންޓްރެކްޓަރުން ހޯދަން ކުރި އިއުލާނުގެ ތެރެއިން 16 ރަށެއްގެ އިއުލާން ފިނޭންސް މިނިސްޓްރީން އިއްޔެ ބާތިލުކޮށްފި އެވެ.

ފިނޭންސް މިނިސްޓްރީން ގެޒެޓުކޮށްފައިވާ އިއުލާނުގައި ވަނީ، އެ ރަށްރަށުގައި ހައުސިން ޔުނިޓުތައް އަޅަން ކުރި އިއުލާނުތަކާއި އެ އިއުލާނުތަކާ ގުޅިގެން ހުށަހަޅާފައިވާ ބިޑުތައް، ހައުސިން މިނިސްޓްރީން އެދިގެން ބާތިލުކޮށްފައިވާ ކަމަށެވެ. އެ އިއުލާނުގައި އިތުރު އެއްވެސް ސަބަބެއް ބަޔާންކޮށްފައި ނެތެވެ.

ހައުސިން މިނިސްޓްރީން ބާތިލުކުރި އިއުލާނުތަކުގައި ހުރި ރަށްތަކުގެ ތެރޭގައި، ހައުސިން ޔުނިޓުތައް އެޅުމުގެ މަސައްކަތް ސަރުކާރު ކުންފުނިތަކާ ހަވާލުކޮށްފައިވާ ރަށްތަކާއި، އަމިއްލަ ކުންފުނިތަކަށް ބަހާލި ޕްރޮޖެކްޓުތަކުގެ ތެރޭގައި ހިމެނޭ ބައެއް ރަށްތަކާއި، މިހާތަނަށް އެއްވެސް ބަޔަކާ ހަވާލުނުކުރާ ރަށްތައް ވެސް ހިމެނެ އެވެ.

މައުޟޫޢުތަށް