ކުޑަކުދިން ބެލުމަށް ބިދޭސީން ގެނެވޭ ގޮތަށް ވަޒީފާ އަދާކުރުމުގެ ގަވާއިދު ބަދަލުކޮށްފި
އަދަދު
18 ޑިސެމްބަރު 2025 | ބުރާސްފަތި | 3:00
ބައެއް ވަޒީފާތައް ދިވެހިންނަށް ހާއްސަ ކުރަން ސަރުކާރުން ގެންގުޅޭ ސިޔާސަތުގެ ދަށުން ކުރިއަށް އޮތް ކުޑަކުދިން ބެލުމަށް ބިދޭސީން ނުގެނެވޭ ގޮތަށް ހިމަނައި ގެޒެޓު ކުރި ގަވާއިދަށް ބަދަލެއް ގެނެސް ބިދޭސީން ގެނެވޭ ގޮތް ހަދައިފި އެވެ.
ހޯމްލޭންޑް މިނިސްޓްރީން "ދިވެހިރާއްޖޭގައި ބިދޭސީން ވަޒީފާ އަދާކުރުމާ ބެހޭ" އާ ގަވާއިދު ގެޒެޓުކުރީ ޑިސެމްބަރު 14، ގަ އެވެ. އެ ގަވާއިދުގައި ކޯޓާ އެއް ގޮތަކަށް ވެސް ދޫނުކުރެވޭނެ ވަޒީފާތަކެއް ކަނޑައަޅާފައިވެ އެވެ. އަދި ކޯޓާތައް ފޭސް އައުޓް ކުރާނެ ތާރީހެއް ކަނޑައަޅާފައި އޮތެވެ.
ކުރިއަށް އޮތް ދެ އަހަރުގެ ތެރޭގައި މިހާރު ހުރި ކޯޓާތައް ބާތިލުކޮށް، އެ ވަޒީފާތަކަށް ކޯޓާ ދޫކުރުން މަނާވާ ވަޒީފާތަކުގެ ތެރޭގައި ބޭބީ ސިޓާސް ނުވަތަ ކުޑަކުދިން ބަލައިދޭ މީހުން ހިމަނާފައި އޮތެވެ. ނަމަވެސް، ޑިސެމްބަރު 17، ގައި ގަވާއިދަށް ގެނައި ބަދަލާއެކު އެ ވަޒީފާ ވަނީ ގަވާއިދުގެ ޖަދުވަލު ދެއަކުން އުނިކޮށްފަ އެވެ.