އެންމެ ބޮޑަށް ކަންބޮޑުވަނީ ތިން އަހަރު ފަހުން ރާއްޖެ އޮންނާނެ ކަމާމެދު: ފައްޔާޒް
އަދަދު
19 ޑިސެމްބަރު 2025 | ހުކުރު | 3:44
މި ވަގުތު އެންމެ ބޮޑަށް ކަންބޮޑުވަނީ މި ސަރުކާރުން އަމަލުކުރަމުންދާ ގޮތުން ރާއްޖެ އޮންނާނެ ކަމާމެދު ކަމަށް އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެ އެވެ.
އެމްޑީޕީ ހަރުގޭގައި ރޭ އޮތް ކެމްޕޭން ޖަލްސާއެއްގައި ވާހަކަ ދައްކަވަމުން ފައްޔާޒް ވިދާޅުވީ މާލެ އާއި ރާއްޖޭގެ އެހެނިހެން ރަށްރަށުގައި މި ވަގުތު ހުރި ދަތިތަކަށްވުރެ ބޮޑަށް ކަންބޮޑުވަނީ ތިން އަހަރުފަހުން ރާއްޖެ އޮންނާނެކަމާމެދު ކަމަށެވެ.
"އަޅުގަނޑަށް އުފެދޭ ސުވާލަކީ ދިވެހިރާއްޖެ އޮންނާނެބާއޭ، މި ކުރިއަށް އޮތް ތިން އަހަރު ނިމޭއިރުގައި ދިވެހިރާއްޖެ އޮންނާނީ ކޮންތަނަކު ބާއޭ، ދިވެހިރާއްޖޭގެ ދަރަނި އެހާ ބޮޑުވެގެން ގޮސް، ދަރަނި ނުދެއްކޭ ހިސާބަށް ގޮސްފި، ދަރަނި ދައްކާނެ ގޮތެއް ނޭނގޭ ހަދާނެ ގޮތެއް ނޭނގޭ. އެ މީހުން ކަންބޮޑުވާ ތަނެއް ވެސް އަޅުގަނޑުމެންނަކަށް ނުފެނޭ،" ފައްޔާޒް ވިދާޅުވި އެވެ.