ބޯހިޔާވަހިކަމުގެ މައްސަލައަށް ފުރިހަމަ ހައްލު ހޯދުމުގެ އަމާޒުގައި، ފުށިދިއްގަރު ފަޅު ހިއްކައިގެން ތަރައްގީކުރަމުން އަންނަ "ރަސްމާލެ" އަށް ބޭނުންވާ ބިން ހިއްކަން ފެށިތާ ދެ އަހަރު ފަހުން، ރަސްމާލޭގެ ހުރިހާ ސައިޓެއް ހިއްކަން ބޭނުންވާ ވަރަށް ވެލި ހޯދައިފި އެވެ.

ރަސްމާލެ ހިއްކުމުގެ މަސައްކަތް ފެށީ ޑިސެމްބަރު 18، 2023 ގަ އެވެ. އޭރު އެ މަސައްކަތް ފެށީ ވެސް ފަހުން އެހެން ސައިޓުތަކަށް ވެލި ހޯދާނެ ކަމަށް ބުނުމަށް ފަހު، ފުރަތަމަ ހިއްކި "ސައިޓު ޖޭ" އަށް ބޭނުންވާ ވަރަށް ވެލި ހޯދުމަށް ފަހުގަ އެވެ.

ފުށިދިއްގަރު ފަޅު ހިއްކުމުގެ އީއައިއޭ ރިޕޯޓުގައިވާ ގޮތުގައި، ރަސްމާލެއަށް ބޭނުންވާ 1009 ހެކްޓަރުގެ ބިން ހިއްކަން 41.2 މިލިއަން ކޮޑިމީޓަރުގެ ވެލި ބޭނުންވެ އެވެ. މިއީ އޮލިމްޕިކް ސައިޒުގެ 16،500 ސްވިމިން ޕޫލު ފުރާލެވޭހާ ނޫނީ 58،000 ފުޓުބޯޅަ ދަނޑު ފުރާލެވޭހާ ވެއްޔެވެ.

މައުޟޫޢުތަށް