މުޅި މާލެއިން ކަރަންޓު ކެނޑުނު މައްސަލައިގެ ތަހުގީގުގެ އަޕްޑޭޓެއް ނެތް!
އަދަދު
23 ޑިސެމްބަރު 2025 | އަންގާރަ | 9:27
މުޅި މާލެއިން ކަރަންޓު ކެނޑުނު މައްސަލައިގައި ފުލުހުން ހިންގަން ފެށި ޖިނާއީ ތަހުގީގުގެ އެއްވެސް އަޕްޑޭޓެއް ނުދީ ހަނު ތިބެއްޖެ އެވެ.
މާލެ، ހުޅުމާލެ އަދި ހުޅުލެއިން އެއްފަހަރާ ކަރަންޓު ކެނޑުނީ މިދިޔަ ޖޫން 1، ގަ އެވެ. ކަރަންޓު ކެނޑުނު ސަރަހައްދުތަކަށް އެ ދުވަހު ކަރަންޓު ދެވުނީ ގާތްގަނޑަކަށް ފަސް ގަޑިއިރު ފަހުންނެވެ. ސްކޫލްތަކުގެ ކިޔެވުން ވެސް އެ ދުވަހު ބަންދު ކުރި އެވެ. އަދި ވަރަށް ގިނަ ވިޔަފާރިތައް ވެސް އެ ދުވަހު މެދުކަނޑައިލި އެވެ.
އެ ދުވަހު ކަރަންޓު ކެނޑުނު ގޮތް ދެނެގަތުމަށް ފުލުހުން ހިންގަމުންދާ ޖިނާއީ ތަހުގީގުގެ އެއްވެސް އަޕްޑޭޓެއް ފުލުހުން ދީފައެއް ނުވެ އެވެ. އެކަމާ ބެހޭގޮތުން ފުލުހުން މީޑިއާ އޮފިޝަލްއާ ސުވާލުކުރުމުން ވިދާޅުވީ އެކަން ބަލައިލުމަށްފަހު ޖަވާބެއް ދެއްވާނެ ކަމަށެެވެ.