އެކުއަވިޓާއިން އެޕާޓުމެންޓު ގަތް މީހުންނަށް އެ ތަނުގައި ދިރިއުޅުމުގެ ހުއްދަ ވެސް ނުލިބިފައި
އަދަދު
23 ޑިސެމްބަރު 2025 | އަންގާރަ | 11:41
އެންޕީއެޗް ޑިވެލޮޕްމެންޓްސް ޕްރައިވެޓް ލިމިޓެޑުން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އަށް ދައްކަންޖެހޭ ފައިސާ ނުދައްކާތީ، އެކުއަވިޓާއިން އެޕާޓުމެންޓު ގަތް މީހުންނަށް އެ ތަނުގައި ދިރިއުޅުމުގެ ހުއްދަ ވެސް ނުލިބޭތީ އެ ފަރާތްތަކުން ކަންބޮޑުވުން ފާޅުކުރަން ފަށައިފި އެވެ.
އެކުއަވިޓާ އިމާރާތްކުރި އެންޕީއެޗް ޑިވެލޮޕްމެންޓްސް އަކީ ބާސެލޯ ނަސަންދުރާގެ ވެސް ވެރި ފަރާތެވެ. އެ ކުންފުންޏަކީ އެޗްޑީސީއަށް އެންމެ ބޮޑު ދަރަންޏެއް ދައްކަން އޮތް ޕްރައިވެޓް ކުންފުންޏެވެ. އެންޕީއެޗް ކުންފުނިން އެޗްޑީސީއަށް 215.2 މިލިއަން ރުފިޔާ ދައްކަންޖެހެ އެވެ.
އެންޕީއެޗްއިން އެޗްޑީސީއަށް އެ ފައިސާ ނުދައްކާތީ އެޗްޑީސީން ވަނީ އެކުއަވިޓާއިން އެޕާޓުމެންޓު ގަތް މީހުންނަށް ރެޖިސްޓްރީ ހައްދައިދިނުމާއި ވެހިކަލް ރެޖިސްޓްރޭޝަން ފަދަ ހިދުމަތްތައް ނުދީ ހިފަހައްޓައިފަ އެވެ.