ފުލުހުންގެ މަރުކަޒު އެޅުމަށް ރިނބުދޫގެ ފަންނުވެރިކަން ފެންނަ ކުރީގެ މިސްކިތެއް ތަޅާލައިފި
އަދަދު
23 ޑިސެމްބަރު 2025 | އަންގާރަ | 1:30
ދ. ރިނބުދޫގައި ފުލުހުންގެ މަރުކަޒެއް އިމާރާތް ކުރުމަށްޓަކައި އެ ރަށުގެ ފަންނުވެރިކަން ފެންނަ ކުރީގެ މިސްކިތެއް ތަޅާލައިފި އެވެ.
ފުލުހުންގެ މަރުކަޒު އިމާރާތް ކުރުމަށްޓަކައި ތަޅާލާފައި ވަނީ 1995 ވަނަ އަހަރު އިމާރާތްކޮށް ބޭނުންކުރަމުން އައި އަންހެނުންގެ މިސްކިތެކެވެ. އެ މިސްކިތަކީ ދިވެހި ފަންނުވެރިކަން ވަރަށް ބޮޑަށް ފެނިގެންދާ މިސްކިތެއް ކަމަށް ރިނބުދޫ ކައުންސިލްގެ ކުރީގެ ރައީސް ހާތިމް އިބްރާހިމް ވިދާޅުވި އެވެ.
"އެކަހަލަ ބިނާތަކަކީ އަސްލު ވަރަށް މުހިންމު ތަންތަން، ދެން އެތަނުގައި ފެންނަން ހުންނާނެ ވުޑް ކާވިންގެ މަސައްކަތްތަކާއި ސިމެންތީގެ ބައެއް މަސައްކަތްތަކާއި އެކަހަލަ ކަންތައްތައް ހުންނާނެ، ދެން އެހެން ހުރި ތަނެއް ހަމަ ޓަސްލާފައި ތަޅާލާފައި ޕޮލިސް ސްޓޭޝަނެއް އެޅީމާ އެއީ ދެން އެހާ ކަމުދާ ކަމަކަށް ނުވޭ،" ހާތިމް ވިދާޅުވި އެވެ.