ދިވެހި އަސްކަރިއްޔާގެ ގާބިލުކަން އިތުރުކުރުމުގެ ނަމުގައި ތުރުކީ ސަރުކާރުން ރާއްޖެއަށް ހަދިޔާކުރި މިސައިލް ފޮނުވުމުގެ ގާބިލުކަން ލިބިފައިވާ "ދަރުމަވަންތަ" މަނަވަރުގެ ހަގީގީ ހާލަތު ސަރުކާރުން ހާމަކުރި ގޮތާ މުޅިން ތަފާތުކަން އެނގިއްޖެ އެވެ.

މި މަނަވަރަކީ އިންޑިއާ ކަނޑުގެ ރައްކާތެރިކަން ދެމެހެއްޓުމަށް އެޅުނު މުހިންމު ފިޔަވަޅެއްގެ ގޮތުގައި ސަރުކާރުން ސިފަކުރި ނަމަވެސް، "އަދަދު" އަށް ކަށަވަރުވެފައިވާ ގޮތުގައި މަނަވަރު އޮތީ ވަރަށް ބާވެ، ބޮޑެތި މަރާމާތުތަކެއް ކުރަންޖެހިފަ އެވެ.

މިދިޔަ ނޮވެމްބަރު މަހު އޮތް ޖުމްހޫރީ ދުވަހުގެ ހެވިކަމުގެ ތެރެއިން މަނަވަރު ދައްކާލުން ފިޔަވައި، އޮޕަރޭޝަނެއްގައި ނުވަތަ ދަތުރެއްގައި މި މަނަވަރު ބޭނުންކޮށްފައި ނުވާކަން މައުލޫމާތު އެނގޭ މީހުން ކަށަވަރުކޮށް ދިނެވެ.

މައުޟޫޢުތަށް