ސަރުކާރު ވަޒީފާއެއްގައި ހަމައެކަނި ހުރުމަކުން ދައުލަތާ ދެކޮޅަށް ވަކާލާތުކުރުން ގައިދެއް ނުކުރެވޭނެ: ބާ ކައުންސިލް
އަދަދު
24 ޑިސެމްބަރު 2025 | ބުދަ | 5:54
ސަރުކާރުގައި ވަޒީފާ އަދާކުރާ ގާނޫނީ ވަކީލުން، އެ މަގާމުގައި ދެމިތިބޭ މުއްދަތުގައި ދައުލަތާ ދެކޮޅަށް ވަކާލާތު ކުރުމަކީ ގާނޫނީ ފަންނުގެ ގާނޫނުގައި މުތުލަގަށް މަނާކޮށްފައިވާ ކަމެއް ނޫން ކަމަށް ދިވެހިރާއްޖޭގެ ބާ ކައުންސިލުން ބުނެފި އެވެ.
ބާ ކައުންސިލުން މިއަދު ނެރުނު ބަޔާނެއްގައި ބުނީ ސަރުކާރު ވަޒީފާއެއް ހަމައެކަނި އަދާކުރުމަކީ ގާނޫނީ އެ މަގާމުގައި ދެމިތިބޭ މުއްދަތުގައި ދައުލަތާ ދެކޮޅަށް ވަކާލާތު ކުރުމުން ގައިދުކުރެވޭނެ ސަބަބެއް ނޫން ކަމަށެވެ.
"ދައުލަތުގެ ނުވަތަ ސަރުކާރުގެ އިދާރާއެއްގައި މަސައްކަތް ކުރުމަކީ ހަމައެކަނި އެ ސަބަބަށްޓަކައި އެ ވަކީލަކު ދައުލަތާ ދެކޮޅަށް ވަކާލާތުކުރުން ގައިދުކުރެވޭނެ ހާލަތެއް ނޫނެވެ. އެފަދަދ ގައިދުކުރުމެއް ގެނެވޭނީ ގާނޫނު ނުވަތަ ގަވާއިދު ނުވަތަ ދެ ފަރާތުގެ ދެމެދުގައި ވެފައިވާ އެއްބަސްވުމެއްގެ ޒަރީއާއިންނެވެ،" ބާ ކައުންސިލުން ނެރުނު ބަޔާނުގައި ބުންޏެވެ.