އަމީންގެ އާއިލާ މެލޭޝިއާއަށް އެތެރެވުނަ ނުދީ އެއާޕޯޓުގައި ހިފަހަައްޓައިފި
އަދަދު
24 ޑިސެމްބަރު 2025 | ބުދަ | 7:29
ޓެރަރިޒަމްގެ މައްސަލައެއްގައި 27 އަހަރުގެ ޖަލު ހުކުމެއް ތަންފީޒުކުރަމުން އަންނަ ޏ. ފުވައްމުލައް މާދަޑު، ކަރިއްޔާވިލާ، މުހައްމަދު އަމީންގެ އާއިލާ މެލޭޝިއާއަށް އެތެރެވުނަ ނުދީ އެއާޕޯޓުގައި ހިފަހައްޓައިފި ކަމަށް އޭނާގެ އަންހެނުން ބުނެފި އެވެ.
އަމީންގެ އަންހެނުން ބޭނުންކުރާ އެކްސް އެކައުންޓުގައި ޕޯސްޓުކޮށްފައިވާ ގޮތުގައި، މެލޭޝިއާއިން ވަނީ އޭނާގެ ތުއްތު ކުއްޖަކު ހިމެނޭ އާއިލާ ހިފަހައްޓާފަ އެވެ. އަދި، ކުޑަކުދިންނަށް އެކަށީގެންވާ ކާނާ ވެސް ނުލިބޭ ކަމަށް އޭނާ ބުނެފައިވެ އެވެ.
އެ މީހުން އެއާޕޯޓުގައި ތިބޭތާ ނުވަ ގަޑިއިރުވެފައިވާއިރު، އެ ފަހުން ކުރި ޕޯސްޓެއްގައި އޭނާ ވަނީ މެލޭޝިއާގައި ހުންނަ ދިވެހި އެމްބަސީގެ އެހީތެރިކަން ލިބެމުންދާ ކަމަށް ބުނެފަ އެވެ.