ދައުލަތުގެ ބަޖެޓުން އެކަނިވެރި މައިންނާއި ބަފައިންނަށް 15،000ރ. އާ ހަމައަށް އިނާޔަތް ދެވޭނެހެން ގަވާއިދަށް ގެނައި އިސްލާހު 24 ގަޑިއިރުގެ ތެރޭގައި ބަދަލުކޮށް އެންމެ ގިނަގެވެގެން ދެވޭނެ މިންވަރު 12،000ރ. ކަމަށް އިއްޔެ ކަނޑައެޅި އެވެ.

އެކަނިވެރި މައިންނާއި ބަފައިންނަށް މިހާތަނަށް އިނާޔަތުގެ ގޮތުގައި ދެމުން އައީ މަހެއް މައްްޗަށް ކޮންމެ ކުއްޖަކަށް 1،000ރ. އެވެ. އަދި އެންމެ ގިނަވެގެން ދެމުން އައީ މަހެއްގެ މައްޗަށް 10،000ރ. އެވެ.

އެންސްޕާއިން ބުރާސްފަތި ދުވަހު ގަވާއިދަށް ގެނައި ބަދަލުގައި އޮތީ ހަތަރު ކުދިންނާ ހަމައަށް ކޮންމެ ކުއްޖަކަށް ދެމުން އައި އިނާޔަތް ވަނީ 3،000ރ. އަށް ބޮޑުވެފަ އެވެ. ހަތަރަކަށްވުރެ ގިނަ ކުދިން ތިބި ބެލެނިވެރިއެއްނަމަ އިތުރުވާ ކޮންމެ ކުއްޖަކަށް ދޭނީ 1،000ރ. އެވެ. މި އުސޫލުން އެންމެ ގިނަވެގެން ލިބޭނީ 15،000ރ ކަމަށް ކަނޑައަޅާފައި އޮތެވެ.

މައުޟޫޢުތަށް