ހައިކޯޓުގެ ފަނޑިޔާރުކަމަށް 19 ބޭފުޅަކު ކުރިމަތިލައްވައިފި, ލިސްޓުގައި ޝުޖާއު އުސްމާން އާއި ރައޫފު ހިމެނޭ
އަދަދު
27 ޑިސެމްބަރު 2025 | ހޮނިހިރު | 10:32
ހައިކޯޓުގެ ފަނޑިޔާރުކަމުގެ ހުސްވެފައިވާ ދެ މަގާމަށް ކުރިމަތިލުމުގެ ފުރުސަތު ހަމަވިއިރު، އެ މަގާމުތަކަށް 19 ބޭފުޅަކު ކުރިމަތިލައްވާފައިވާކަން އެނގިއްޖެ އެވެ.
ފަނޑިޔާރުކަމަށް ކުރިމަތިލާ ބޭފުޅުންގެ އިންޓަވިއުތައް ނިމުމުގެ ކުރިން މިހާރު ޖޭއެސްސީން ނަންތައް އިއުލާނެއް ނުކުރެ އެވެ.
ނަމަވެސް އިތުބާރު ހުރި މަސްދަރުތަކުން ކަށަވަރުވެފައިވާ ގޮތުގައި ހައިކޯޓުގެ ހުސްވެފައިވާ ދެ މަގާމަށް ހުށަހެޅުއްވި ބޭފުޅުންގެ ތެރޭގައި ހައި ކޯޓުގެ ކުރީގެ އިސް ގާޒީ ޝުޖާއު އުސްމާނު އާއި ޕީއެންސީގެ ޓިކެޓުގައި މަޖިލިސް އިންތިހަބުގައި ކެޔޮދޫ ދާއިރާއަށް ވާދަކުރެއްވި އަބްދުއްރައޫފު ހިމެނެ އެވެ.