މާޗުގެ ނިޔަލަށް ވާނުވާ މައްސަލަތައް ނިންމޭނީ ކޯޓުތަކުގެ ސްޕީޑު އެތައް ގުނައަކުން އަވަސްކޮށްގެން: ޝަމީމް
އަދަދު
30 ޑިސެމްބަރު 2025 | އަންގާރަ | 10:48
ޝަރީއަތް ނިމެންދެން "ވާނުވާ ބަންދުގައި" ތިބި އެތައް ސަތޭކަ މީހުންގެ ތެރެއިން އެއް އަހަރަށް ވުރެ ދިގު މުއްދަތެއްގައި ބަންދުގައި ތިބި މީހުންގެ މައްސަލަތައް އަންނަ މާޗު މަސް ނިމުމުގެ ކުރިން ނިންމޭނީ ކޯޓުތަކުން މަސައްކަތްކުރާ ދުވެލި އެތައް ގުނައަކުން އަވަސްކޮށްގެން ކަމަށް ކުރީގެ ޕްރޮސެކިއުޓާ ޖެނެރަލް ހުސެއިން ޝަމީމު ވިދާޅުވެއްޖެ އެވެ.
ޑިސެމްބަރު 21، ގައި މުއިއްޒު ހުޅުމާލެ ފޭސް އެކެއްގެ ރައްޔިތުންނާއެކު ބޭއްވި ބައްދަލުވުމުގައި ވިދާޅުވީ އަންނަ މާޗު މަސް ނިމުމުގެ ކުރިން އެއް އަހަރަށްވުރެ ގިނަ ދުވަހު ވާނުވާ ބަންދުގައި ތިބި މީހުންގެ މައްސަލަތަކުގެ ކޯޓު މަރުހަލާ ނިމޭނެ ކަމަށް ބަންޑާރަނައިބުގެ އޮފީހުން އެމަނިކުފާނަށް މައުލޫމާތު ދީފައިވާ ކަމަށެވެ.
"މި އަންނަ މާރިޗު މަސް ނިމެންވާއިރަށް، އެއް އަހަރަށްވުރެ ގިނަދުވަސް ވަންދެން ވާނުވާގައި ތިބި ހުރިހާ އެންމެންގެ މައްސަލަތައް، ކޯޓު މަރުޙަލާތައް ނިމޭނެކަމަށް. އެއް އަހަރަށްވުރެ ގިނަދުވަސް ވެފައި ތިބި ހުރިހާ އެންމެންގެ މައްސަލަތައް," އެ ރޭ މުއިއްޒު ވިދާޅުވި އެވެ.