ދައުލަތުގެ ވަޒީފާއެއް އަދާ ކުރުމަށްފަހު ރިޓަޔާ ކުރާ މީހުންގެ ތެރެއިން އަލުން ދައުލަތުގެ ވަޒީފާއާ ގުޅޭ މީހުންނަށް، އެ ވަޒީފާ އަދާ ކުރަމުންދާ މުއްދަތުގައި ޕެންޝަން ނުލިބޭ ގޮތަށް ސިވިލް ސާވިސްގެ ގަވާއިދު މިއަދު އިސްލާހުކޮށްފި އެވެ.

މިއަދު ގެޒެޓުކުރި ބަދަލުގައިވާ ގޮތުން ދައުލަތުގެ މަގާމަކަށް އިންތިހާބުވާ ނުވަތަ ސަރުކާރުގެ ހިއްސާވާ ކުންފުންޏެއްގެ ވަޒީފާ ހަމަޖެހޭ މީހުންނަށް ވެސް އެ ވަޒީފާއެއްގައި ދެމިހުންނަ މުއްދަތުގައި ޕެންޝަން ފައިސާއެއް ނުލިބޭނެ އެވެ.

އެފަދަ މީހުންނަށް އާ ވަޒީފާއާ ހަމައަށް ލިބެމުންދިޔަ ޕެންޝަން އެލަވަންސް އަލުން ދޫކުރަން ފަށާނީ ފަހުން އަދާކުރާ ވަޒީފާއިން ވަކިވާ މަހާ ޖެހިގެން އަންނަ މަހުން ފެށިގެން ކަމަށް ގަވާއިދު ބުނެ އެވެ.

މައުޟޫޢުތަށް