ވިލިމާލޭގައި ފްލެޓު އަޅަން އުޅެނީ ފުނަވަލުގައި، އެތަން މުއިއްޒުގެ މޭޔަރުކަމުގައި އެހެން ބަޔަކަށް ދީފައި އެބައޮތް: އާޒިމް
އަދަދު
2 ޖެނުއަރީ 2026 | ހުކުރު | 8:03
ވިލިމާލޭގައި ފްލެޓް އެޅުމަށް ބެންކް އޮފް މޯލްޑިވްސް (ބީއެމްއެލް) އާ ހަވާލުކުރީ މާލެ ސިޓީގެ މޭޔަރަކަށް މުހައްމަދު މުއިއްޒު ހުންނެވިއިރު ފްލެޓް އަޅަން އެހެން ބަޔަކާއެކު އެއްބަސްވުމެއް ހަދާފައި އޮތް ބިމެއް ކަމަށް މާލެ ސިޓީގެ މޭޔަރު އާދަމް އާޒިމް ވިދާޅުވެއްޖެ އެވެ.
އަދަދު ނޫހުން ގެނެސްދޭ އެތެރެފުށް ޕްރޮގްރާމުގައި އާޒިމް ވިދާޅުވީ ފްލެޓް އަޅަން ބީއެމްއެލްއާއެކު ސޮއިކުރި ދުވަހުގެ ކުރީ ދުވަހު ވިލިމާލޭގައި ފްލެޓް އަޅަން ހުއްދަ ދިނުމަށް ސިޓީއެއް އައި ކަމަށާއި ނަމަވެސް އެއީ މުއިއްޒުގެ މޭޔަރުކަމުގައި ހަވާލުކޮށްފައި އޮތް ބިމެއް ކަމުން އެ އެއްބަސްވުން ދެމި އޮއްވައި އެތަނުގައި ފްލެޓް އަޅަން އެއްބަސް ނުވާނެ ކަމަށެވެ.
ވިލިމާލޭގައި 500 ފްލެޓު އަޅަން މުއިއްޒު ނިންމާފައި ވަނީ މާލޭ ސަރަހައްދުގައި އޮތް ހަމައެކަނި ފުނަވާ ނައްތާލުމަށް ފަހު ކަމަށް އާޒިމް ފާހަގަ ކުރެއްވީ. އެ ފުނަވާއަކީ ވިލިމާލޭ ރަށުތެރެއިން އެންމެ ފިހިކަން ގަދަ، އަދި އެ ރަށުގެ ރަމްޒަކަށް ވެފައިވާ ވަލެކެވެ.