ޕީއެސްއެމްގެ އެމްޑީއަށް ރައީސް އޮފީހުން ގާނޫނާ ހިލާފަށް "ހާއްސަ އެލަވަންސެއް"
އަދަދު
8 ޖެނުއަރީ 2026 | ބުރާސްފަތި | 8:00
ދައުލަތުގެ މީޑިއާ، ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުގެ މަގާމަށް އަހުމަދު ޝަކީބު އައްޔަންކުރުމުގެ ކުރިން، ރައީސް އޮފީހުން ދޭ ހާއްސަ އެލަވަންސްއަކާއެކު އޭނާގެ ޖުމުލަ މުސާރަ 70،000ރ. އަށް ބޮޑުކޮށްފައިވާކަން އެނގިއްޖެ އެވެ.
ޕީއެސްއެމްގެ ގާނޫނު ބުނާ ގޮތުން އެ މުއައްސަސާއަކީ އެއްވެސް ފަރާތެއްގެ ނުފޫޒެއް ނެތް، އެޑިޓޯރިއަލް މިނިވަންކަން އޮތް ތަނަކަށް ވާންޖެހޭއިރު، މުސާރައިގެ ބޮޑު ބައެއް ރައީސް އޮފީހުގެ "ހާއްސަ އިނާޔަތެއްގެ" ގޮތުގައި ކަނޑައެޅުމަކީ ގާނޫނުގެ ރޫހާ ހިލާފު ކަމެކެވެ.
ރައީސް މުހައްމަދު މުއިއްޒުއާއެކު "ރައްޔިތުންނާ އެކު" ޕޮޑްކާސްޓު ގެނެސްދެއްވި ޝަކީބު ޕީއެސްއެމްގެ މަގާމާ ހަވާލުވެވަޑައިގަތުމުގެ ކުރިން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) މެދުވެރިކޮށް އޭނާގެ މުސާރައަށް ބަދަލު ގެނައި ކަމަށް، އިތުބާރުކުރެވޭ މަސްދަރުތަކުން ބުންޏެވެ.