އާ މިންގަނޑާ އެއްގޮތަށް ދުންފަތުގެ ބާވަތްތަކުގެ އިންޒާރު ޖަހަން އިތުރު ހަ މަސް ދީފި
އަދަދު
8 ޖެނުއަރީ 2026 | ބުރާސްފަތި | 9:32
ދުންފަތުގެ ބާވަތްތަކުގައި ހުންނަން ހެލްތު މިނިސްޓްރީން ލާޒިމުކުރާ ސިއްހަތުގެ އިންޒާރުގެ ނޯޓިސްގެ އާ މިންގަނޑާ އެއްގޮތަށް ބަދަލުތައް ގެންނަން ދީފައިވާ ސުންގަޑި މި އަހަރުގެ ޖުލައި މަހާ ހަމައަށް ދައްމާލައިފި އެވެ.
ހެލްތު މިނިސްޓްރީން ކުރިން ދިން ސުންގަޑި ހަމަ ވަނީ މި މަހުގެ 28 ވަނަ ދުވަހަށެވެ. އޭރު އޮތް ގޮތުން މި ތާރީހުގެ ފަހުން އާ މިންގަނޑާ އެއްގޮތަށް އިންޒާރު ނުޖަހާ ހުރި އެއްވެސް ބާވަތެއް، އެތެރެކޮށްފައި ހުއްޓަސް، ވިއްކުން މަނާ ވާނެ އެވެ.
ނަމަވެސް ހެލްތު މިނިސްޓްރީން ވަނީ މިދިޔަ މަހު ގަވާއިދަށް ބަދަލު ގެނެސް، މުއްދަތު އިތުރުކޮށްފަ އެވެ. މުއްދަތު އިތުރުކުރަން ނިންމި ސަބަބެއް މިނިސްޓްރީން ނުބުނެ އެވެ.