އެމްއެމްއޭގެ އާ އޮފީސް އިމާރާތް ފަރުމާކުރާނެ ބަޔަކު ހޯދަނީ
އަދަދު
8 ޖެނުއަރީ 2026 | ބުރާސްފަތި | 2:13
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހުޅުމާލޭގައި ތަރައްގީކުރަން ރާވާފައިވާ އެ އިދާރާގެ އާ އޮފީސް އިމާރާތް ތަރައްގީކުރާނެ ގޮތުގެ ކޮންސެޕްޓް ތައްޔާރުކޮށްދޭނެ ބަޔަކު ހޯދަން އެ އިދާރާއިން މިއަދު އިއުލާންކޮށްފި އެވެ.
އެމްއެމްއޭއިން ކުރި އިއުލާނުގައި ވަނީ މި މަސައްކަތް ކޮށްދޭން ޝައުގުވެރިކަން ހުރި ވިޔަފާރިތަކަށް ރަޖިސްޓްރީ ވާން ފުރުސަތު ހުޅުވާލާފަ އެވެ.
ރަޖިސްޓްރޭޝަން ފުރުސަތު ހަމަ ވަނީ މި މަހުގެ 14 ގަ އެވެ. އިއުލާނުގައި އޮތް ގޮތުން، މި މަސައްކަތަށް ބީލަން ހުށަހެޅުމުގެ ފުރުސަތު ލިބެނީ މި މުއްދަތުގެ ކުރިން ރަޖިސްޓްރީވާ ބަޔަކަށް އެކަންޏެވެ.