ސިންގަޕޫރު ދަތުރަށްފަހު މީގެ ދެ ދުވަސްކުރިން މުއިއްޒުގެ ދެކަނބަލުން ރާއްޖެ ވަޑައިގެންފި
އަދަދު
8 ޖެނުއަރީ 2026 | ބުރާސްފަތި | 5:44
އާ އަހަރުގެ ބަންދާ ދިމާކޮށް ރައީސް މުހައްމަދު މުއިއްޒުގެ ދެ ކަނބަލުން ސިންގަޕޫރަށް ކުރެއްވި ދަތުރު ނިންމަވާލެއްވުމަށްފަހު މީގެ ދެ ދުވަސްކުރިން ރާއްޖެ ވަޑައިގެންފައިވާ ކަމަށް މައުލޫމާތު ލިބިއްޖެ އެވެ.
އެކަމަކު މުއިއްޒު އާއި އަނބިކަނބަލުން ސާޖިދާ މުހައްމަދު މީގެ ދެ ދުވަސް ކުރިން މާާލެ ވަޑައިގެންނެވި ނަމަވެސް ރައީސް އޮފީހުން އެކަން އާންމުކޮށްފައެއް ނުވެ އެވެ.
ރައީސުލްޖުމްހޫރިއްޔާ ކުރައްވާ ރަސްމީ އަދި ނުރަސްމީ ދަތުރުތަކަށް ފުރާވަޑައިގަންނަވާ ދުވަހާއި އެނބުރި ވަޑައިގަންނަވާ ދުވަސް އަދި ދަތުރުކުރައްވާ ރަށް ނުވަތަ ގައުމުގެ ތަފުސީލަކީ ރައީސް އޮފީހުން އާންމުކޮށް އިއުލާނުކުރާ ތަފުސީލުތަކެވެ.