މަސްތުވާތަކެތީގެ މައްސަލަ ހައްލުކުރަން މަރުގެ އަދަބު ތަންފީޒުކުރަން ޖެހޭ: މުއިއްޒު
އަދަދު
9 ޖެނުއަރީ 2026 | ހުކުރު | 11:40
ރާއްޖޭގައި އޮތް މަސްތުވާތަކެތީގެ މައްސަލަ ހައްލުކުރަން މަރުގެ އަދަބު ތަންފީޒުކުރަން ޖެހޭ ކަމަށް މުހައްމަދު މުއިއްޒު ރޭ ވިދާޅުވެއްޖެ އެވެ.
ޕީއެންސީގެ ހަރުގެ ހުޅުވުމަށް ބޭއްވި ޖަލްސާގައި މުއިއްޒު ވިދާޅުވީ މަރުގެ އަދަބު ދޭން ބޭނުން ނުވިޔަސް، މަސްތުވާތަކެތީގެ މައްސަލަ ހައްލުކުރަން ވަކި ހާލަތްތަކުގައި މަރުގެ އަދަބު ތަންފީޒުކުރުމަކީ ކުރަން ޖެހޭ ކަމެއް ކަމަށެވެ.
"މަރުގެ އަދަބު ދިނުމަކީ އެއީ އަޅުގަނޑުމެން ކުރަން ބޭނުންވާ ކަމެއް ނޫން މި ގައުމުގައި އެއްވެސް ވަރަކަށް. އެއީ އިސްތިސްނާ ހާލަތެއްގައި އެކަން ކުރަންޖެހިއްޖެއްޔާ މި ގައުމުގައި މިއޮތް ވަބާ [މަސްތުވާތަކެތި] ހައްލުކުރުމަށްޓަކައި ކުރަން ޖެހިފައި އޮތް ކަމެއް. ކުރަންޖެހޭ ކަމެއް. އެހެންވީމަ އެ އަދަބު ގާނޫނުގައި މި ހިމެނީ،" މުއިއްޒު ވިދާޅުވި އެވެ.