ރިޔާސީ ބަޔާން އިއްވާ ޖަލްސާ އޮންނާނީ ފެބްރުއަރީ 5، ގައި
އަދަދު
11 ޖެނުއަރީ 2026 | އާދިއްތަ | 2:01
ރައްޔިތުންގެ މަޖިލީހުގެ މި އަހަރުގެ ފުރަތަމަ ޖަލްސާ އަންނަ މަހުގެ ފަސްވަނަ ދުވަހު ބާއްވަން ނިންމާފައިވާކަން އިއުލާނުކޮށްފި އެވެ.
މަޖިލީހުގެ އިދާރާއިން މިއަދު މީޑިއާތަކަށް ފޮނުވި މެސެޖެއްގައި ބުނީ މަޖިލީހުގެ މި އަހަރުގެ ފުރަތަމަ ދައުރުގެ ފުރަތަމަ ޖަލްސާ އޮންނާނީ ފެބްރުއަރީ 5، ގެ ހެދުނު 9:00 ގައި ކަމަށެވެ.
މި ޖަލްސާގައި ރައީސް މުހައްމަދު މުއިއްޒު ރިޔާސީ ބަޔާން އިއްވަވާނެ އެވެ. މިއީ އެމަނިކުފާނުގެ ތިންވަނަ ރިޔާސީ ބަޔާނެވެ. އަދި، މިއީ މި ހިނގާ 20 ވަނަ ރައްޔިތުންގެ މަޖިލީހުގެ ތިންވަނަ އަހަރުގެ ފުރަތަމަ ދައުރު ފެށޭ ޖަލްސާ އެވެ.