ހުޅުމާލޭގައި ހުންނަ މަޝްހޫރު ދިއްދޫ ހޮޓާ ހުސްކުރަން ކޯޓުން އަންގައިފި
އަދަދު
12 ޖެނުއަރީ 2026 | ހޯމަ | 3:03
ހުޅުމާލޭގައި ހުންނަ އެންމެ ނަން މަޝްހޫރު ހޮޓާތަކުގެ ތެރޭގައި ހިމެނޭ "ދިއްދޫ ހޮޓާ" ކުރިއަށް އޮތް 15 ދުވަހުގެ ތެރޭގައި ހުސްކުރަން ސިވިލް ކޯޓުން އިއްޔެ އަމުރުކޮށްފި އެވެ.
ދިއްދޫ ހޮޓާ ހުސްކުރަން ކޯޓުން އެންގީ އެ ހޮޓާ ހުންނަ އިމާރާތުގެ ވެރިފަރާތާއި ހޮޓަލުގެ ވެރިފަރާތާ ދެމެދު ތަން ކުއްޔަށް ނަގަން ވެވުނު އެއްބަސްވުމާ މެދު ހިލާފު އުފެދިގެން ހުށަހެޅި މައްސަލައެއް ބެލުމަށް ފަހުގަ އެވެ.
ދިއްދޫ ހޮޓަލުގެ ކުލީގެ އެއްބަސްވުމާ މެދު ހިލާފު އުފެދިގެން ފުރަތަމަ މައްސަލައެއް ބެލީ ސިވިލް ކޯޓުގެ ހުޅުމާލޭ ޑިވިޝަނުންނެވެ. މި މައްސަލަ އެ ކޯޓަށް ހުށަހެޅީ ދިއްދޫ ހޮޓާ ހުންނަ "ގުޑްވިލް" އިމާރާތުގެ ވެރިފާރާތް، ނައީމާ އާދަމެވެ.